Блогчидийн хэрхэн мэдээлэлээ бусдад хүргэдэг талаар нэгэн сонирхолтой зурагт мэдээлэл гарсан байна.
Нэгдүгээр эх сурвалжнуудыг Модны үндэсээр төсөөлсөн бол Хоёрдугаар эх сурвалжнууд нь модны мөчрөөр төсөөлөгдсөн байна.
Харин зочилдог хэрэглэгчдийн тоог ногоон, шар гэх мэт өнгөөр төлөөлжээ.
Энэ киноны нэр бол: Pirate Radio. Та бүхэн найруулагч Richard Curtis-ыг түүний хийсэн зул сар болон (олон төрлийн) хайрын тухай маш гоё кино болох Love Actualy-гаар мэдэх байх. Нэг сонирхолтой зүйл гэвэл Pirate Radio нь түүний найруулсан хоёрдахь кино юм.
Киног товчхоноор танилцуулвал: “60-аад оны үе бол Рок’н’Ролл хөгжим бүх залуучуудын сэтгэл зүрхийг эзэмдсэн үе байлаа. Гэвч Их Британы засгийн газар фм, радиогоор Рок’н’Ролл дуунуудыг тоглуулах нь хориглосон байв. Энэ кино ‘Радио Рок’ хэмээх радио станц болон Рок’н’Ролл хөгжимд юугаа ч өгөхөөс буцахгүй хэдэн залуучуудын тухай хөгжилтэй явдлуудын тухай юм.“
Мөн кино нь бодит түүхнээс үндэслэн хийгдсэн болно.
Энэхүү 2009 онд хийгдсэн ‘инээмсэглүүлдэг’ кино нь таньд өмнө нь мэдэрч байгаагүй цоо шинэ сэтгэгдэлийг төрүүлнэ. Нэмэж хэлэхэд Рок’н’Ролл хөгжимд дуртай, дургүй хэн ч үзэхэд тохиромжтой гэдгийг хэлэхэд таатай байна.
Саяхан Твиттерийн тухай нэгэн сонирхолтой зурагт мэдээлэл (infographics) гарсан байна. Энэхүү зурагт мэдээлэлд ямар хүмүүс Твиттерийг хэрэглэж буй болон хэрхэн ашиглаж буй талаар зургаар маш сонирхолтойгоор өгүүлжээ. Мөн ямар төрлийн жиргээ бичиж буйг оруулсан байна.
Нэг фм-ээр хальт сонсож, дурласан дуугаа олоход ямар хэцүү байдаг зовлонг эдэлж үзсэн үү? Дээр нь дууных нь үг, дуучин, дууны нэр гээд бүх хайж болох түлхүүр мэдээллийг мэдэхгүй бол бүүр хэцүү.
“Нийслэл хүү эхлэх үү, хэлэх гэсэн үгээ хэлэх үү?” гэсэн уриатай Цэцэгийн дөрөвдөх цомог болох “Нийслэл хүү” нь бусад хип хоп цомгуудийг бодвол арай өөр хэв маягтай болжээ. Тэр нь юу вэ гэвэл “Үлгэр жишээ хип хоп” гэж хэлж болохоор хэв төрхийг агуулсан байна. Мөн өмнө нь хөндөгдөж байгаагүй “Нууц”, “Замын хөдөлгөөн”, “Зориг” гэх мэт нийт 16-н дуутай сайн цомог болжээ.
Ихэнхи хүмүүс хип хоп дандаа хүүхэд багачуудад буруу үлгэр дууриалал болж байна гэдэг бол Цэцэ өөрийнхөө энэ цомгоороо дамжуулан Хип Хопоор ч гэсэн хүүхэд, залуучуудыг зөв, орчин үеийн ёс суртахууныг сурч болно гэдгийг “Нийслэл хүү” цомог хэлэх гэсэн болов уу гэж дүгнэлээ.
Зарим дуунуудын хэлэх гэж байгаа санаануудыг танилцуулвал:
Нийслэл хүү – Дээл өмсдөггүй ч гэсэн бид нар (нийслэлийн залуучууд) бол Монгол хүмүүс. Нийслэл хүү хэрхэн Монгол ёс заншилаа орчин цагт хэрэглэхээ мэддэг. Одоо Монголчуудаа технологид ухаанаа заръя.
Баба Яга – Хог хаяхаа болъё
Саамар/Summer – Зуны сүлд дуу.
Нууц – Хэнд ч битгий хэлээрэй гэж хэнд ч битгий хэлээрэй.
Зориг – “Зоригт хүний зорьсон зүйлийг зогсоох зүйл нь хутга биш. Зориг гэдэг уурын мунхагаар дайрна гэсэн утга биш.”
Ирээдүй – Жинхэнэ залуучуудыг зоригжуулагч дуу. Нэгэн зэрэг амаа нээцгээе, хөгжлийн төлөө тэмцэцгээе. Ирээдүй эхлэнэ эндээс, тэндээс, биднээс, надаас, чамаас. Эхлэхгүй ээ ирээдүй аль нэг намаас. Өнөөдөртөө өөдрөг маргаашдаа бэлэн бай. Болохгүй, бүтэхгүй гэж битгий ай. Адилхан аавын хүн юугаар дутахав.Битгий хойшоо суу, тархиа цэнэглэ.
Замын хөдөлгөөн –3:00 Бөхийн өргөө. 4:00 Багшийн Дээд. 5:00 Төв Шуудан. 5:30 Хүүхдийн 100. 6:00 Хүүхдийн 100. 7:00 Хүүхдийн 100. 8:00 Хүүхдийн 100. Урагшаагаа явах нь уу? Тиймээ энэ бол нийслэл хотын маань замын хөдөлгөөн.
Ногоон гэрэл байвал яваарай, Шар байвал анхаараарай, Улаан цайм улаан гэрлээр орж битгий танхайраарай. Дүрмээрээ явбал замын түгжээ үүснэ гэж үү дээ?
Brave – С.Зоригийн нэр нь цэвэр, С.Зоригийн сүнс нь цэвэр, С.Зоригийн хөшөөнд хүмүүс цэцэг өргөсөн хэвээр. Амьддаа бие биеэнээ хайрла, монголчуудаа. Алив сайхнаа ах дүүсээсээ харамлаж болох уу даа?
Хэрэв таньд Цэцэгийн энэ цомог дажгүй юм шиг санагдсан бол ойролцоох СД зардаг дэлгүүрээс “Нийслэл хүү”-г худалдаж авч сонсоорой. Таньд таалагдана гэдэгт би итгэлтэй байна.
iPod нь анх гарч ирсэн цагаасаа хойш нэлээд их өөрчлөгдсөн төдийгүй Apple Корпорацийн мөнгө саадаг үнээ (cash cow) болжээ.
Энэхүү зурагт мэдээлэлээс (Infographic) iPod гарсан цагаасаа хэрхэн хувьсаж өөрчлөгдсөн болон бусад холбогдох маркет үүнтэй уялдан хөгжсөн талаар харуулах болно.
(Хэтэрхий өргөн болохоор зурган дээр дарж үзэхэд тохиромжтой)
Би та бүхнээс хэдэн асуулт асууя. Асууя гэж дээ та бүхэн миний асуусан асуултанд өөрийгөө тавиад үз л дээ.
“Хэрэв чиний харж явдаг охин өөр залуугийнх болсон бол яах вэ?
Хэрэв чи түүнийг хэрхэн өөрийн болгохыг мэдэхгүй явдаг бол яах вэ?
Хэрэв чи тэр охины найз залуу нь өөр охидуудтай сүүлэрээд явж байгааг харвал чи яг юу гэж бодох вэ?“
Ингэж бодохоор их ээдрээтэй байгаа биз амьдрал?
Энэхүү сэдвээр манай найз нэг дуу хийсэн юм та бүхэн сонсоод үз мөн сэтгэгдэлээ үлдээгээрэй.
Одоогоор энэ дуу зөвхөн демо хувилбар бөгөөд мастер энэ тэр хийгдээгүй байгаа болно.
Та бүхэн зүгээр энэ дуунд төрсөн өөрийн санал сэтгэгдэлээ хуваалцахийг хүсч байна.
Money to burn бол миний хамгийн сүүлд уншсан триллер төрлийн ном. Анх товч танилцуулганаас нь уншихад надад таалагдана гэдгийг мэдэж байв. Яагаад гэвэл энэ ном нь Wall Street дэх үл хөдлөх хөрөнгийн ертөнцийг Michael Cantella хэмээх залуугын амьдралаар харуулдаг бөгөөд хэрхэн том корпарацууд хуулийн дагуу болон хууль бусаар хэрхэн мөнгө хийдэг тухайг хайр дурлал, өшөө авалтаар дүрсэлсэн байдаг. Wall Street дэх амьдрал үргэлж бидний төсөөлж байдаг шиг бизнес хувцас өмссөн чинээлэг улсууд хувьцаа, үнэт цаас гэх мэт үл хөдлөх хөрөнгө худалдаалж, наймаалж байдгаас гадна нууцаар мөнгө угааж байж болох талтай гэдгийг санал болгосон байгаа юм.
Би энэ номыг шөнө уншиж эхлэхэд л үйл явдал нь таамаглахад их хэцүү, их сонирхолтой байв. Тэгээд дараагийн болох үйл явдалыг мэдэх гэж шуналтайгаар уншиж байв би. Хуудас эргүүлэх болгонд шинэ мэдээлэл, шинэ сэжиглэлт нэмэгдэж байв. Тасралтгүй нэг шөнө, нэг өдөр уншсаны эцэст би номны төгсгөлд, хамаг хариуны эцэсд ирж бүх юмыг мэдэж авсандаа болон маш сонирхолтой ном уншсандаа баяртай байв.
Миний “Money to burn” номын талаархи дүгнэлт бол энэ байлаа харин номын зохиолч James Grippando ингэж тайлбарлажээ:
“Гучин нэгэн насыг зооглож буй Michael Cantella бол Wall Street-ын тэргүүлэх банкны нэг болох Saxton Silvers Банкны өсөж буй од. Бүх зүйл төлөвсөний дагуу явж байтал түүний амьдралын гол утга учир болох Ivy Layton хэмээх бүсгүй Бахамас дахь бал сар дээрээ алга болдог. Дөрвөн жилийн дараа. Энэ бол Майкалын 35 хүрсэний төрсөн өдрийн орой, бүх зүйл төлөвлөсний дагуу хэвээр: амжилттай ажил, үзэсгэлэнт шинэ эхнэр, зөндөө их мөнгө. Жаргалаа эдлэж буй Майкал компьютерээ асаагаад өөрийн хамгийн хөрөнгө оруулалтын данс руу гаа нууц үгээ хийгээд шалгатал: Ноль Баланс. Дахин, дахин шалгасаж бас өөр данснуудаа шалгасан ч бүгд ноль, тэг гэж зааж байв. Хэн нэг заавал түүнийг хийсэн байж таараа. Түүнд ганцхан сэжүүр байлаа энэ бол ‘Яг төлөвлөсний дагуу xxoo (тэврэлтүүд болон үнсэлтүүд)’ хэмээх и-мэйл байв. Энэ гурван үгээр бол Майкалын мэдэх амьдрал нь тэр чигээрээ алга болсон байв. Saxton Silvers гэнэт дампуурлын ирмэгт ирчихээд байгаа бөгөөд Майкал энэ байдалд хүргэсэн хүнээр гол сэжиглэгдэж байв. Майкал ганцаархнаа үлдсэж юманд хашагдсан, гэр бүлийн салалтийг амсаж буй болон FBI ажилтан үйл хөдлөлд нь оролцсон хэцүү байдалд орсон байв. Мөн түүний компьютер дээр суулгасан мэдээлэл нууцаар цуглуулдаг програм, JBU-аас ирсэн учир битүүлэг и-мэйл гэх мэт асуудалд хутгалдсан байв. Хэн нэгний хорт явуулганд орсон Майкал нэрээ цэвэрлэхэд яаахаас ч буцахгүй байдалд орсон байв. Тэгж явж байгаад хэд, хэдэн шинж тэмдэг эхний эхнэр болох Ivy-тай холбоотой байгааг тэрээр ухаардаг. Хэрэв Ivy үхлээс муу заягаар Майкайлтай уулзах гээд буцаад ирсэн бол яахав?”
Хэрэв мөнгө, учир битүүлэг байдал, хайр дурлал, акшион төрлийн номонд дуртай бол Money To Burn бол их гоё ном.
Миний өгөх үнэлгээ: 4.5 од (5н одноос)
Нэр: Money to burn
Зохиогч: James Grippando
ISBN дугаар: 978-0-06-155630-2
Тэрийг үзчихээд би яг юу гэж бодсон гээч? Би шууд "Oh man! Би одоо юу сонсчихвоо? Энэ чинь ямар аймар дуу вэ? Жинхэнэ монгол хип хоп дуу байна!!!" гэж бодсон. Тэгээд энэ дууг өчигдөр, өнөөдөржингөө сонслоо. Ерөөсөө уйдах шинж алга
За тэгээд дууны талаар ярилцъя!
Энэ дууг Gee, Тулгат, Rokit Bay нар хамтарч дуулсан. Магадгүй зөндөө хүмүүс Тулгат болон Rokit Bay нарыг танихгүй байж магадгүй. Гэхдээ Асуулт Рап-д ордог бол Rokit Bay бол их нэр хүндийг олсон аймар раппер байгаа юм. Асуултад Nevalast гэдэг нэрээр ордог бөгөөд нилээд хэдэн жилийн өмнө Асуултад болдог тэмцээнүүдэд орж түрүүлж байсан мөн зөндөө олон сайн үглэдэг гаруудыг дисслэж байсан. Тэрээр удахгүй өөрийнхөө цомгийг гаргана гэж Асуултад хэлж байсан.
Харин Тулгат бол Лос Анжелес хотод амьдардаг бөгөөд Асуулт Рапын Street Style гэж жил болгон зохиогддог тэмцээний аварга болсон бөгөөд дандаа англиар дуулдаг сайн раппер юм.
Жинхэнэ сайн гурван раппер нийлээд жинхэнэ гоё дуу гаргасан байна.
Эд нар жинхэнэ Микрофоны ард төрсөн мэт дуулж байна.
За олон долоон юм ярилгүйгээр Монгол Рапийг мэдэрцгээе!
Дууг онлайнаар сонсоё
<object width="250" height="400">
<param name="movie" value="http://listen.grooveshark.com/widget.swf" />
<param name="wmode" value="window" />
<param name="allowScriptAccess" value="always" />
<param name="flashvars" value="hostname=cowbell.grooveshark.com&songIDs=&style=metal&p=0" />
<embed src="http://listen.grooveshark.com/widget.swf" type="application/x-shockwave-flash" width="250" height="400"
flashvars="hostname=cowbell.grooveshark.com&songIDs=&style=metal&p=0" allowScriptAccess="always" wmode="window" />
</object>
Клипийг нь үзье
Заримдаа нетээр хэсч явахад Gen-Y ч юмуу Millennials гэх нэр томъёо дайралддаг даа. Тэгэхээр энэ нэр нь 1980-аас оноос 2000 оны хооронд төрсөн залуучуудыг нэрлэдэг нэр томъёо юм. Одоогийнхноор бол 30 аас 10 хүртэлх насны хүмүүс багтаж байгаа юм. Энэ үеийн бусад үеийнхнээс ялгарах зан чанар нь Технологи, Дуу хөгжим, Чөлөөт Сэтгэлгээ, Оюун ухаан мөн Fashion.
Тэд ихэвчлэн өөдрөг сэтгэлгээтэй, илүү боловсролтой, чөлөөт.
Булгаа The Millennials буюу Generation Y-ийг энэхүү дэлгэрэнгүй зурагт мэдээлэлээс хүлээж авч үзнэ үү?
Normal 0 false false false EN-US X-NONE X-NONE
Хоёр хоногийн өмнө би гэж хүн сургууль руугаа яарч яваад аваар, осол хийх шахлаа. Яг юу болсон бэ гэхээр ногоон гэрлээр амьжиж зүүн гар тийшаа эргэх гэж хурдтай явж байгаад үрүүлээ(энэ орос үгийг яаж бичихийг нь мэдэхгүй) дутуу дарсанаас болж баруун талын урд болон хойд дугуйгаа замын хашлаганд их хүчтэй цохисон. Тэр дороо замаасаа гараад харахад миний обудь нь аймар болчихсон байдаг юм даа. Тэгээд яахав дээ гайгүй байлгүй гээд сургууль руугаа явсан чинь миний машины тэнхлэг тохиргоо нь алдагдсан бас хурдтай явахад хойд талын дугуйнууд мөсөн дээр халтирч байгаа мэт баруун, зүүн талруугаа гуйваад аймар сонин болчихсон байв.
Өөрийн энэ тэнэг үйлдлийн хариуд би бүхэл бүтэн хоёр өдөр, 180 доллар төлж байж машинаа засууллаа.
Тэгээд би бодлоо л доо: “Нэг муу ногоон гэрлийн хойноос хөөж байгаад амиа өгөх шахлаа. Хэдхэн секунд хүлээсэн бол би өөрийнхөө хоёр өдөр, 180$ ийг зарлагдахгүй шүү дээ. Тэгээд эцсийн эцэст хүний эрүүл мэнд чухал ш дээ. Хичээл яахав хоцорж болно, муу авч болно. Энд хүний амь нас яригдаж байна.”
Тиймээс иймэрхүү байдлаас болж амь насаа золиослох бол тэнэг үйлдэл. Тийм болохоор замын хөдөлгөөнд аль болох тайван, болгоомжтой оролцох нь их чухал гэдгийг би мөн чанараар нь ойлгож байх шиг байна.
Зарим хүмүүс бусдын алдаан дээр суралцаг тул миний алдааг жишээ болгож суралцахтун. Зарим хүмүүс өөрсдийн алдаан дээр суралцдаг тул би ч гэсэн алдаагаа засахтун. Харин зарим хүмүүс алдаагаа засдаггүй тул амьдрал түүнтэй харанхуйгаар мэндлэхтүн.
Сүүлийн үед хичээл, шалгалт гэхэд муу блогоо шинэчлэх завгүй байгаа бас Шинэ Жил удахгүй болох гэж байгаа болохоор Гацуур модны талаар зурагт мэдээлэл оруулахаа шийдлээ.
Хэдийгээр кофе ус, агаар шиг хэрэгтэй бус боловч дэлхийн эдийн засагт асар их нөлөөлдөг болохыг энэхүү зурагт мэдээлэлээс харж болно.
Жишээ нь: идэж байгаа чихэр дууссан гэж бодож байсан чинь дахиад нэг байх юмуу ойрд ерөөсөө сонсоогүй дуугаа сонссоод дууны үгийг нь мартаагүй ч байх юмуу тиймэрхүү агшин мөчид бид жоохон ч гэсэн баярладаг.
Хэд хоногын өмнө бид нэт хэсч байгаад иймэрхүү гоё агшиныг бичдэг тийм сайт оллоо. Тэгээд энэ сайтаар хэсч, зөндөө сайхан сэтгэл баярлуулсан тийм мөчүүд байдаг гэдгийг мэдэж авч мөн санал нийллээ.
За тэгээд баяр авчирдаг зүйлүүдтэй танилцъя:
Normal 0 false false false EN-US X-NONE X-NONE
Сүүлийн үед би блог дээрээ өөрийнхөө тухай бичихээ больчихсон. Гэхдээ энэ удаа өөрийнхөө хэн байсан тухайгаа бичмээр санагдлаа. Хүн гэдэг үргэлж өөрчлөгдөж, хувьсаж байдгийн адилаар Булгаа ч гэсэн өнгөрсөнөөсөө нилээд өөрчлөгдлээ гэж би өөртөө дүгнэлт өгч байна.
За тэгээд өнгөрсөний би буюу Булгаа ямар байсан талаар түүхийг сөхөе.
Хуучин би ерөнхийдөө нүдийг нь өөр тийшээ харуулахгүйн тулд хийсэн морины нүдний хаалт луугаа адил өөрийнхөө ертөнцийг бусдийн ертөнцтэй адилхан мэт хардаг, юмыг нээлттэй бус хаалттай талаас дүгнэдэг, юмны үнэ цэнэ үл ухаарагч, хэгжүүн ааштай, пээдгэр, нийтэч бус, биеэ тоосон нэгэн ажээ.
Тэр зөвхөн хавчигдмал ертөнцөөс ирсэн мэт дуу, хөгжим, урлаг, спортыг ойлгодоггүй бөгөөд зөвхөн өөрийн мэддэг төрлийн дуу, спорт нь хамгийн бас хамгийн зөв гэж боддог байв.
Мөн тэрээр өөрийгөө хичээлд сайн болохоор бусдаас дээгүүр тавьж боддог мөн тэр нь л зөвхөн сайн сайхан амьдралд хүргэнэ гэтэгт итгэдэг байв.
Хуучны Булгаа мөнгөний үнэ цэнийг мэдэхгүй мөртлөө их мөнгө хийх, гоё машин, гоё байшинтай болох гэх мэт өнгө мөнгийг хүний зан чанар, нөхөрлөл, шударга ёс, ёс суртахуунаас дээш тавьж үздэг байв.
Мөн тэрээр гэр бүл, эгч ах дүү, хамаатан садан, найз нөхөд хүнд ямар хэрэгтэй мэддэггүй тэнэг нэгэн байв. Тэр хэдийгээр найз нөхөдтэй боловч хувиа хичээсэн, хунашгүй зан гаргадаг муу найз байсан.
Өнгөрсөн цагт Булгантамир гэж хүн ийм л байсан. Тэр магадгүй юмны наана цаанахыг ухаарах болоогүй байсан болоод тэгж аашлаж байсан буй биз гэхдээ өнөөдрийн би өчигдрийн би-гээс хамаагүй өөрчлөгдсөн гэж би бодож бна. Мэдээж төгс хүн байдаггүй болохоор одоогийн би-д засах, залруулах, ухаарч сэхээрэх юмс зөндөө олон байгааг би мэддэг. Гагцхүү маргаашийн би гэж хүн заавал өнөөдөр, өчигдөрөөсөө юм сурж сайжирсан байх ёстойг би ойлгох ёстой.
Хүн болгонд сайн зан чанар ямар нэгэн хэмжээгээр байдаг тул надад ч гэсэн тийм чанар өнгөрсөн цагт байсан байх гэж би найдаж байна. Гэхдээ хамгийн чухал нь өнөөдрийн Булгаагийн сайн зан чанар нь өчигдрийн Булгаагаас дээр байх ёстой.
Хайч, чулуу, даавуу-г тоглож үзээгүй хүн гэж байдаггүй билээ.
Одоо ч гэсэн бид ямар нэгэн юм шийдэх ч юм уу, азаа үзэхдээ хайч чулуу даавууддаг шүү дээ.
Харин энэхүү зурагт мэдээлэл хэрхэн тоглох болгондоо хожих аргыг зааж өгнө.
Normal 0 false false false EN-US X-NONE X-NONE
Авъяаслаг дуучин Bruno Mars (Брүно Маарс) –ын талааар, “Just the way you are” дууг миний сэтгэл зүрхийг эзэмдсэнээс хойш, муу блог дээрээ бичье гээд явсаар байтал зав завшаан, зүтгэл болон сэтгэл нийт өгсөнгүйгээс болж одоог хүргэлээ.
Гэтэл өнөөдөр тохиолдлоор ч гэх үү Bruno Mars-ийн шинэ дуу болох Grenade-г хоёр удаа сонсоод үзчихсэн гэдэг. Дууг нь сонсох болгондоо энэ дуучны гайхалтай хоолой, дуугаа амилуулах чадварыг бодож байлаа. Өмнө Брүно Маарсын талаар бичих гээд жоохон мэдээ уншаад түүний цомог удахгүй гарах гэж байгаа болон тухайн цомогыг нь заавал авч өөрийгөө баясгана гэж бодож явсаар байтал цомогны нээлт нь аль хэдийнээ болчихсон интернэтэд тавигдсан болохыг Хантулга.ком-оос олж мэдэв.
Ингээд үнэхээр гоё дууг үнэхээр гоё клиптэй нь толилуулъя:
Bruno Mars - Just the Way You Are
Шинэ дуу болох Grenade сонсох:
Би бээр поодкайст сонсож эхлээд удаагүй нэгэн билээ. Миний дурлаад байгаа шалтгаан бол долоо хоног бүр энэ поодкайст нэгэн сэдэв сонгож авч түүний тухай маш сонирхолтой өгүүллэгүүдийг сонсогчиддоо түгээдэг. Эдгээр сонгосон сэдэв, тухайн сэдэв дээр суурилсан өгүүллэгүүд нь ихэнхидээ бодит хүмүүсийн жинхэнэ үйл явдлын тухай байдаг бөгөөд заримдаа тэдгээр хүмүүс нь өөрсдийн дуу хоолойгоор сонсогч бид нарт хүргэдэг.
Зарим поодкайстууд нь намайг бүүр алмааруулж орхидог.
Заримдаа намайг инээмсэглүүлдэг.
Заримдаа намайг гүн бодолд оруулдаг.
Заримдаа би үүнийг сонсоод эмзэглэгдэг.
Хэрэв та Англи хэл дээр маш сонирхолтой поодкайст хайж байгаа бол энэ This American Life ийн зөвхөн нэг дугаарыг сонссоод үзээрэй. Та ямар ч байсан муулахгүй гэдгийн би мэдэж байна.
Хэрэв би танийг хангалттай ятгасан бол www.thisamericanlife.org сайтаас орж хамгийн сүүлчийн дугаарыг татах боломжтой.
Хэрэв iTunes ашигладаг бол эндээс орж This American life поодкайстыг захиалж авах боломжтой (үнэгүй).
Эсвэл эндээс бас захиалах боломжтой юм байна.
Хэрэв Поодкайст гэж юу болохыг мэдэхгүй бол миний Podcast гэж юу вэ? руу орж мэдэж авна уу.
Хэрэв iTunes ашигладаггүй бол миний iTunes гэж бичлэгийг уншиж ашиглахыг зөвлөж байна.
