Дуртай дуу - Take your time by Sam Hunt

Дуу хөгжмийн талаар бичлэгээ оруулаагүй их удсан болохоор өнөөдөр дуртай дууныхаа талаар бичье гэж бодлоо.
Энэ дуу Country жанрын дуучин Sam Hunt дуулдаг болохоор хүмүүс сайн мэдэхгүй байж болох юм. Хэрэв та Take Your Time дууг аль хэдийнээ мэддэг бол дууны мэдрэмж сайн байна гэж хэлье дээ. (Алгаа таших) Би энэ дуунд дуртай болоод нилээд хугацаа болсон байна.

Гэхдээ дуу нь яг цэвэр Country стилийн дуу биш бөгөөд Country Pop болон R&B урсгал хоёрын холимог учраас Country дуу сонсдоггүй хүнд ч гэсэн таалагдаг байх.

Ингээд яриад ч байгаа юм шиг дуулаад ч байгаа юм шиг дуугаа хүлээж авж сонсоно уу.
Өө тийн клип нь ч гэсэн их гоё болсон байсан шүү!

Киноны түүхэн дэх бараг бүх бүжгийг ‘Shut Up And Dance' дууны клипэнд оруулсан байна

Та бүхэн

Oh, don’t you dare look back, just keep your eyes on me. I said, “You’re holding back.” She said, “Shut up and dance with me.” 

 хэмээх дахилттай дууг ямар дуу гэдгийг нь мэдэж байгаа биз ээ.

Тэгвэл саяхан YouTube-ийн гишүүн MsTabularasa 'Walk The Moon' хамтлагын ‘Shut Up And Dance'  хит дууг ашиглан бараг киноны түүхэнд байж болох бүх бүжгийг эмхэтгэн нэгэн видео болгосон нь онлайн ертөнцийг шуугиулж байна. Зөвхөн кинон дээрхи бүжгүүдийг оруулахаас гадна мөн дууны аянд тааруулж видеогоо эвлүүлсэн нь бүүр ч гоё болгожээ.
Энэхүү видеонд хуучин болон шинэ үеийн киноны бүх төрлүүд орсон байсан.

Харин таны ажигласнаар хэдэн мэддэг кино чинь харагдсан вэ?


Эх сурвалж: Dashburst.com

Only One

Шинэ болон Хуучин гоё дуунууд

What's up, my peeps? Удаан уулзаагүй юм байна. За гэнэт хэдэн шинэ болон хуучин дуунууд оруулахаар шийдлээ.

1. За эхний дуу бол Sia-ийн Chandelier дуу. Анх сонсчоод Рианна юм болов уу гэж бодож байснаа дунд хэсгээсээ илүү чадварлаг хоолой гараад ирэхээр нь эргэлзэж байв. Тэгээд shazam-дсан чинь Сиа гэдэг юм.



Клипний хувьд нилээд өвөрмөц болсон байгааг энэ охины өөрийгөө илэрхийлж буй бүжигнээс харж болно.

2. Удаах дуу бол All About That Bass. Meghan Trainor-ий энэхүү хэмнэлтэй гоё дуу яг поп дуу биш гэдгийг мэдээд Викидсэн чинь поп, doo-wop, blue eyed soul зэрэг жанр холилдсон гэж байна. Харин дууны утга нь "Байгалиас төрсөн байдал чинь төгс шүү" хэмээсэн гоё утгатай, үгтэй дуу байна.
Сонссоод л үз. Удахгүй хит болно гэдгийг Bibby хэлж байна лээ.



3. Дараагийн шинэ дуу бол миний дуртай дуучин Taylor Swift-ийн гаргаад удаагүй байгаа шинэ сингл Shake It Off. Уг нь country-pop жанрын уран бүтээл гаргадаг Тэйлорийн шинэ дуу нь бараг л 99% поп болсон мэт санагдлаа. Клип нь ч гэсэн үүнийг харуулах гэж орчин үеийн бүжгийн төрлүүдийг харуулсан байна.
Ямартай ч надад таалагдлаа. Та нар сонссоод үзнэ биз.



Харин одоо хуучны гоё дууг саяхан олж илрүүлснээ хуваалцахаар шийдлээ.

4. Frankie Valli-ийн Can't Take My Eyes Off You дуу бол миний хувьд зөндөө олон удаа сонссож байсан хэрнээ ямар дуу гэдгийг нь мэдэхгүй өнгөрүүлдэг байсан классик дуу билээ. Хэрэв та нар дахилтыг нь сонсвол бараг л сонссож байсан дуу гэхэд эргэлзэхгүй байна.
Дахилт нь дээрээ, "I love you, baby, and it's quite alright..." гэдэг байгаа.



5. Өөр нэг хуучин, гоё дуу гэвэл Blackstreet, Dr. Dre, Queen Pen нарын No Diggity гэж байна.
Тухайн үедээ (1996) том хит дуу болж байсан энэ дуу 14 долоо хоног Биллбоордыг тэргүүлж байсан Макарена дууг түлхэн унагааж шилдэг дуу болж байсан байна.
Би саяхан No Diggity дууны жазз хувилбарыг нь сонссоод ийм дуу байдгийг мэдэж авлаа.

Жазз хөгжмийн урсгал руу орохуй болон Louis Armstong

Нөгөө Хип-хоп сонссдог байсан Булгаа чинь сүүлийн хэдэн жил ихэвчлэн Поп болон Дэйнс дуу сонсдог болсон гэдгийг та нар анзаарсан байж магадгүй ээ.
Харин саяхан нэг мэдсэн чинь өнөөх Булгаа чинь Жазз хөгжимд дуртай болсон гэнэ.

Цаг хугацаа гэж...
Саяхан л Классик хөгжимд дургүй гээд Рап, Поп, R&B, Dance сонссоод яваад байсан одоо Жазз хөгжим сонссоод сайхан уярах шиг болон кайф авдаг болжиж.
Надтай адилхан Классик хөгжим руу орж байгаа хүн байна уу?
Байгаа бол ямар урсгалын болон ямар дуунууд сонсож байгаагаа коммэнтэн дээр хуваалцаарай.

За Жазз хөгжим руу ороход их нөлөөлсөн хүн бол Louis Armstrong (Lүүи Аармстронг).
Энэ хүн Жазз хөгжмийг нэрд гаргахад их нөлөөлсөн бүрээч болон дуучин хүн юм. Жазз урсгалынхаа ганцаарчилсан (солоист) төрлөөр тоглохоос гадна их сайхан хоолойтой.











За бараг хүн болгон Лүүи Аармстронгийн "What A Wonderful World" дууг мэдэх байх. Би өмнө нь өчнөөн олон удаа сонсчоод хэн гэдгийг нь мэддэггүй байж.

  Харин миний анх сонсчоод дурласан дуу бол түүний "La Vie En Rose" буюу "Ла Вий Ан Роуз" дуу юм. Дууны нэрийг орчуулах юм бол "Амьдралыг ягаан өнгийн шилээр харахуй" гэсэн утгатай. Уг нь энэ дуу нь Франц дуучин Édith Piaf-ийг бөгөөд надад Louis Armstrong-ийн дуулсан нь ихэд таалагддаг.
За тэгээд "Амьдралийг ягаан өнгийн шилээр харахуй"




Louis Armstrong-ийн тухай дэлгэрэнгүй видео үзэхийг хүсвэл энд дарна уу.

La La La - Naughty Boy ft. Sam Smith

Нээх гоё клиптэй гоё дуу байнаа байна. Үзээгүй бол үзээрэй хө!

Macklemore & Ryan Lewis - Wing$

Пүүзний талаар бичлэгийг Macklemore & Ryan Lewis нарын Wing$ дуутай хамт оруулъя гэж бодлоо. Энэ сэдэв надад их хамаатай болохоор яг юунаас нь эхэлж бичихээ мэдэхгүй байдаг.
За байз, Пүүз / Sneakers гэхээр бид бараг амиа өгчих нь холгүй байдаг. Тэд нарын нэг нь би байсан.
Эхлээд өөрийнхөө пүүзний хоббины талаар жоохон түүх ярьж өгье л дөө.

Яагаад ч юм багаасаа авхуулаад бид нарын дунд пүүзээрээ уралдах тийм зүйл байдаг байсан мэдээж одоо ч байгаа.
Би ч гэсэн яаж дутахав гээд амьхандаа ориг пүүзтэй болох гэж их оролддог байлаа. Ээж аавыгаа ч их шаналгасан даа. Бүүр надад бараг 2, 3 размер том пүүз авч өмсөж байлаа. Яахав жижигхэн хөлтэй хүүхдэд яаж тэр үеийн ориг пүүз олдохов. Тэгээд нэг Converse-ийн савхин пүүз авхуулж өмссөн. Аав тэр үед миний тэнэгийг бусдад хэлж байхав дээ. Ориг пүүзтэй би гэдэг нөхөр тоохгүй пүүзээ чяхруулаад явж л байлаа. Өө тийм тэр үед чяхардаг пүүзийг ориг гэж үздэг байлаа. хэ хэ.
Одоо бодоход их л инээдтэй байгаа биз?

Миний хэлэх гээд байгаа зүйл бол бид нар / би тийм брэнд нэрээр өөрийгөө илэрхийлэх гэж оролддог гэсэн юм уу даа. Одоо жишээлбэл хэрэв би ориг пүүз өмсвөл би аймар лаг болно гэх мэт үзэд бодол. Мэдээж иймэрхүү маркетинг үйл ажиллагаа тухайн компанидаа их ашигтай болохоор манай энэ пүүзийг өмсвөл чи аймаг гоё харагдана мөн өндөр үсрэнэ гэх мэт.

Би Америкт ирээд өөрийнхөө хөдөлмөрөөр гоё пүүзнүүд авч өмсөөд бүүр өөрийнхөө мөрөөдөл болсон Жордан пүүзээ авч байсан. Бас тэрүүхэн дээ өөрөөрөө бахархаж байв.
Тэгээд нэг мэдсэн чинь пүүз цуглуулдаг Sneaker Head болох шахсан.
Бас хөөрхөн хэдэн пүүз авч орхисон байлаа.
Пүүз цуглуулна гэдэг чинь их үнэтэй хобби шүү дээ. Муу оюутан над шиг хүнд тохирохгүй хобби болохоор би пүүзнүүдээ эргүүлээд зарсан.

За харин миний энэ танилцуулах гэж байгаа дуу яг миний ярьж байгаа зүйлийг хэлж байгаа юм.
Мacklemore ч гэсэн бид нарын адилаар багаасаа ориг пүүз мөрөөдөж өссөн. Тэгээд анхныгаа пүүзийг авснийхаа дараа бусдын адилаар пүүзээ өмсөхгүйгээр шинээр нь хайрцаганд нь хадгалах хэрэгтэй гэдэг зөвлөгөөг дагасан.Тэгээд дуун дээр нэг найз нь пүүзнээсээ болоод амиа алдсан гэсэн байдаг. Macklemore бодсон байх л даа. Эцсийн эцэст пүүз бол зүгээр пүүз. Бид нарын хэрэглэдэг энгийн хэрэгсэл.
Миний хэлэх гэж байгаа агуулгийг тунгааж бодно уу?

[New Hit] Aloe Blacc - The Man

Hey, y'all! Энэ өдрийн мэндийг хүргэе! Сайн сууж байсан л биз дээ?
Блог дээр суусан тоосоо Aloe Blacc-ийн The Man дуугаар арчиж байна аа.



Avicii-ийн Wake Me Up-ийг дуулдаг энэ залуугийн The Man дуу Beats by Dr. Dre-ийн чихэвчний сурталчилгаанд ашиглагдсанаас хойш багагүй их хүмүүсийн сэтгэлийг татаж байгаа билээ.

'Hey Ya!' ба Хит дуу болсон түүх

Үүнийг уншиж байгаа бараг хүн болгон OutKast хамтлагийн Hey Ya! дууг сонссон байх.
Сонссоогүй нэгэн нь миний өгүүлэх гэж байгаа түүхийг уншаад дууг сонсохыг уриалж байна.
Анх энэ дууны хит болсон түүхийг "The Power of Habit: Why We Do What We Do in Life and Business" гэдэг номон дээрээс уншиж байсан нь надад их сонирхолтой санагдсан болохоор эрхэм блог уншигч та бүхэнтэй хуваалцахаар шийдлээ.

Дуу нь 2009 оны 9 сарын 9-нд гарсан бөгөөд фм, радиогоор цацагдаж эхлэжээ.
ФМ, Радионууд дууг хэр их тоглуулах, хит болох эсэхийг нь "хит дууг урьдчилан таамаглагч" програм ашиглаж OutKast-ын Hey Ya! дуу их өндөр оноо авсан байсан тул гарцаагүй хит дуу болно гэж таамаглаж байжээ.
Гэвч энэхүү дууг фм-ээр тоглуулах болгонд сонирхолтой зүйл тохиолдоод байсан юм.
Тэр нь юу вэ гэхээр энэ дууг фм-ээр гарах болгонд сонсогчид шууд сувгаа сольж байсан явдал юм.
ФМ, Радионуудын хөтлөгчид болон энэ дууны маркетинг хариуцсан хүмүүс учрыг нь ердөө ойлгохгүй байсан юм.
Сүүлд тэд нар нэг зүйлийг ухаарсан нь юу вэ гэвэл өмнө хит болж байсан бүх дуунууд сонсогчидод дотно санагддаг тийм эффект агуулдаг байжээ.
Hey Ya! дууны хувьд энэ найрлага дуунд байдаг боловч тэр нь арай өөр байсан хэрэг юм.

Үүнийг ухаарсан маркетинг менежер, хөтлөгчид дууг сэндвичлэх арга буюу Hey Ya!-г хоёр хит дууны дотор хавьчуулан дундуур нь тоглуулах арга санаачилсан юм.
Ингэснээр фм-ээр дууг тоглуулахын өмнө болон хойно нь байнга хит дуу тоглуулсан нь сонсогчид фм-ээ солихгүй  байх байдалд хүргэсэн юм.
Удалгүй энэ арга амжилттай хэрэгжиж дууг хүмүүст сэндвичлэж тоглуулах шаардлагагүй болсон төдийгүй хүмүүс фм, радио-руу залгаж энэ дууг тоглуулахыг хүсэмжилдэг болжээ.

Hey Ya! сүүлд Биллбоорд-ын Хот 100 дуу жагсаалтыг 9-н долоо хоног тэргүүлсэн нь гарцаагүй хит дуу мөн гэдгийг дахин баталсан хэрэг юм.
Мөн OutKast-ыэ энэ хит дуу The Rolling Stones сэтгүүлийн "Бүх цаг үеийн шилдэг 500 дуу" жагсаалтын 182-т орсон юм.

Клип нь мөн дуутайгаа адил их гоё болж чадсан байгаа.
2004 оны MTV Video Music Awards-ийн Шилдэг Найруулга төрөлд нэр дэвшсэн хэдий ч шагналыг Jay-Z-ын 99 Problems дууны клип авсан юм.
Дашрамд дурьдахад клип нь 1964 онд The Beatles хамтлагын The Ed Sullivan Show-д орсон бичлэгнээс санаа авч хийсэн гэдэг.

#ШинэГоёДуу L.A. Story

Ойрд Шинэ Гоё дуу сонсоогүй л байгаа биз дээ?

За надад тэгвэл санал болгох нэг гоё дуу байна.

Дууны нэр бол L.A. Story
Дууг дуулсан Sammy Adams болон Mike Posner

Энэхүү гоё аялгуутай R&B, Hip Hop дууны дахилтыг Mike Posner (Дуртай дуучин хэсэгтээ блог дээрээ бичсэн байгаа тул энд дарж дэлгэрэнгүй уншина уу?) дуулахаас гадна нэг мөрийг үглэжээ. Үлдсэн хэсгийг Sammy Adams их чадварлагаар үглэж дууг их гоё болгосон байна.

За надад их таалагдаад байгаа юм.
Таньд таалагдах эсэхээ сонсоод үз дээ.



Жич: Дууны клип нь нээх тийм гоё болоогүй байна лээ.

The Mongolian Live Sessions: Сарантуяа - Учралын Блюз

За амархан сайн сууж байна уу, блог уншигч танаа?
Энэ удаа The Mongolian Live Sessions цуврал дээр тавигдсан дуучин Сараагийн "Учралын Блюз" дууны талаар бичихээр шийдлээ.

Би нээх Монгол дуу сонсдоггүй гээд хэлчихвэл зөндөө хүмүүсээр зэмлүүлэх болов уу?
Магадгүй би хит болон шинэ дуунуудыг сонсох боломжгүй байдаг байснаасаа болоод бүүр төсөөрсөн ч байж болох юм.



За тэр ч яахав. Нэг өдөр би ФБ хэсч яваад хэн нэгэн The Mongolian Live Sessions цувралын Rokit Bay ft DJ Zaya-ийн бичлэгийг хараад сонирхолдоо автаад Youtube дэх хуудас руу орж эхнээс нь авхуулаад бүгдийг нь сонссон юм.

Тэгээд бараг хоёр долоо хоногын дараа өөр хэн нэгэн дуучин Сараагийн энэ нэвтрүүлэгт орсон байсан бичлэгийг share хийсэн байсныг дахиж сонссон чинь нэг зүйл мэдэрлээ.
Тэр нь юу гэхээр заримдаа чи нэг дуу сонссоод сайхан дуу сонссон мэдрэмж байдаг даа? Түүнийг мэдэрсэн юм.
Тэгээд өөрийнхөө бодсоныг ФБ дээрээ бичсэн ээ та нарт хуваалцъя!

Үүн дээр нэмж хэлэхэд энэ дуу дуучин Сарааг хэр чадвартайг нь харуулсан болов уу гэж бодлоо. Мөн их сэтгэлийн утас хөндсөн алтан дуу байлаа.

Та нар энэ дууг сонсож амжаагүй бол доорхи бичлэгийг үзэж санал сэтгэгдлээ хуваалцана уу?

#ШинэГоёДуу I Love It

Нээрээ Icona Pop хамтлагын I Love It дууны талаар блогдохоо мартчихсан байна ш тээ.
Одоо бараг хүн болгоны мэддэг болсон дууны талаар блогдоод байх хэрэг ч байна уу үгүй юу? Чөтгөр бүү мэд. хэ хэ. Гэхдээ яахав бичээд л орхиё.

Их л доргио beat-тэй, яасан ч яахав гэсэн маягын дууны үгтэй энэ дуун дээр Английн дуучин
Charli XCX хамтарч ажилласан байна.
Одоогийн байдлаар I Love It дуу нь Биллбоордын 7т жагсаж байгаа юм байна.
Нэг нэмэлт мэдээлэл гэхэд Icona Pop-ийн хоёр гишүүд хоёулаа Швед DJ юм.

Дуртай дуугаа доргио сонсохтун!

#ШинэГоёДуу #BlurredLines

Заа нэгэнт блогоо бичиж эхэлсэн юм чинь өөрийн шинэ дуртай дууныхаа талаар бичиж яагаад болохгүй гэж.

Robin Thicke энэ R&B дуугаа яг 2 сарын өмнө (3/26/13) гаргасан бөгөөд T.I болон Pharrel нартай хамтарчээ.
Миний бодлоор Robin Thicke яг зөв уран бүтээлч нартай хамтарч харьцааг нь олсон R&B, Хип хоп дуу гарсан гэж бодож байгаа.

За олон юм нуршилгүйгээр дуугаа хүлээн авж сонсоно уу?
Таалагдана гэж бодож байгаа шүү!

Macklemore & Ryan Lewis - Thrift Shop

Шинэ гоё дуу сонсонгуутаа өөрийнхөө блог дээрээ бичих бол нэг бодлын миний хобби.
Миний санал болгосон дууг хүмүүс анх удаа сонсоод таалагдах нь үнэхээр урамтай байдаг гэхээр жинхэнэ гоё дуунуудыг хийдэг хүмүүст ямар байдгийг бүр би таашгүй ээ (Яг Балхаа ах шиг болчихлоо хэ хэ)

Хонгор минь гадаа хүйтэн байна шүү!

Хонгор минь гадаа хүйтэн байна шүү ... гэдэг дээр үеийн дуу сонсож байсан л биз дээ?
Аргагүй сайхан классик дуунуудын нэг шүү.

Анх 'Baby, It's Cold Outside' дууг Frank Loesser эхнэр Lynn Garland-тай хамт 1944 дуулж сонсогчидийн хүртээл болгож байсан бол одоо классик дуунуудын нэгт тооцогддог болжээ.
Үүнээс хойш зөндөө олон дуучид өөрсдийн хувилбараа гаргаж байсан юм.

Жил болгоны Christmas, Шинэ жилийн үеэр ихэвчлэн тоглуулагддаг энэхүү сайхан дууг Cee Lo Green, Christina Aguilera-тай хамтарч өөрийн стильд оруулж дуулсныг өнөөдөр би сонссоод ихэд таалагдсан тул та бүхэнд ч гэсэн сонсуулах гээд үүнийг бичиж сууна.

Cee_Lo_Green_Ft._Christina_Aguilera_-_Baby_It's_Cold_Outside_AC.mp3 Listen on Posterous

Оригнал хувилбар нь:

Frank Loesser, Lynn Garland (1944)

Бусал онцлох хувилбарууд:

Tom Jones, Cerys Matthews  хувилбар (1999)

Glee Cast хувилбар (2010)

Haley Reinhart, Casey Abrams (American Idol Season 10) хувилбар (2011)

Posted via email from The Bibby Times

Street Lights

Ойрд ерөөсөө өөрийнхөө тухай бичээгүй, бичих гэхээр гар, keyboard хоёр эвлэхгүй өдийг хүрсээр явж байгаад Kanye West-ийн Street Lights дууг сая сонсоод энэхүү бичлэгийг бичихээр боловоо.

Уг нь энэ дууг "808s & Heartbreaks" цомог 2008 онд гарснаас хойш сонсож ирсэн бөгөөд миний дуртай дуунуудын нэг боловч саяхан сонсож байхдаа үгийг нь харсан чинь яг л миний байгаа байдлыг хэлсэн байхыг нь ажиглалаа.

kanye_west_-streetlights.mp3 Listen on Posterous

Миний хэлэх гэж байгаа санааг дууны үгнээс харна биз

Let me know, do I still got time to grow?
Things ain't always set in stone
That being, now let me know...

Seems like street lights glowing
Happened to be just like moments passing in front of me
So I hopped in the cab and I paid my fare
See, I know my destination but I'm just not there

Posted via email from The Bibby Times

I Got A Woman / Gold Digger

See the full gallery on Posterous

Kanye West, Jamie Fox нарын дуулсан Gold Digger дуунд надаас өөр дуртай хүн байдаг л биз дээ?
Дуу нь баян залуусыг шулж амьдардаг шунахай "Алт Ухагч" хүүхнүүдийн тухай өгүүлдэг бол миний саяын олж сонссон Ray Charles-ийн I Got A Woman гэдэг дуу харин эсрэгээрээ сайхан сэтгэлтэй сайн бүсгүйчүүдийн тухай гардаг.

KanyeWestJamieFoxxGoldDIggerBIbbyTimesCom.mp3 Listen on Posterous

RayCharlesIGotAWomanBibbyTimes.mp3 Listen on Posterous

Дууг анх олж сонссон дуу гэвэл Pandora дээрээ Ain't No Sunshine дуутай төстэй дуу тавиулчаад сонсож байсан чинь энэ дуу тоглуулагддаг юм даа.
Нэг л танил санагдаад жоохон үргэлжлүүлээд сонссон чинь Gold Digger дуутай их адилхан байсан.
Тэгээд аль нь алинаасаа үлгэр жишээ/sample авсныг олох санаатай викидсэн чинь Kanye West-ийн дуу нь Ray Charles-ийн дууны interpolation хувилбар юм байна гэдгийг олж мэдлээ.

Би бас interpolation гэж юу гэдгийг мэдэхгүй болохоор бас лавлаж харлаа л даа.
Википедиагийн хэлснээр бол, интерполэйшн гэдэг нь

Рап хөгжимд бол өмнө бичигдсэн дууны хэсэг (ихэвчлэн дууны үгийг нь өөрчилдөг) эсвэл дууны аялгууг шууд дуундаа оруулахгүйгээр дахин бичсэнийг хэлдэг.

Надад үнэхээр их таалагсан дуу жинхэнэ классик дуу болохоор сонсохгүй бол алдас болох биз!

Posted via email from The Bibby Times

OneRepublic - Feel Again

OneRepubic-ийн дуунууд нэг л гоё өөрийн гэсэн өвөрмөц стильтэй хэрнээ сэтгэлд дулаахан  гоё дуунууд байдаг даа? Харин өчигдөр явж байгаад фм-ээр тиймэрхүү дуу явж байхаар нь  OneRepublic-ын шинэ дуу байх нь гээд нэрийг нь мэдчих санаатай утсан дээрхи shazam-аараа сонсуулсан чинь Feel Again гэдэг дуу гэнэ.
Тэгээд хэзээ гарсан шинэ дуу юм болоо гээд сониуч зандаа хөтлөгдөөд гүүглдсэн чинь Вики эгч 8-р сарын 27нд гарсан гэж хэлж байна.

OneRepublicFeelAgainBibbyTimesCom.mp3 Listen on Posterous

Өө тийм, дууны клип нь гарсан байлээ. Аль хэдийнээ клип нь гарсан гэж бодохоор би энэ гоё дууг сүүлд олж сонсож байгаа ч юм шиг сэтгэгдэл төрж байснаа нуух юун хэрэг байхав.
За юу ч гэсэн дуугаа хүлээн авч соёрхоно уу?
Та бүхэнд ч гэсэн таалагдах байх.

Posted via email from The Bibby Times

Амжилтанд хүрэх томъёо

Өдөр Fort Minor-ын Remember The Name дууг сонсож байгаад амжилтанд хүрэх томъёог онцолж бичиж авсанаа толилуулж байна.

Posted via email from The Bibby Times

Sia, David Guetta,The Wanted нарын шинэ дуунууд

Гоё дуу сонсмоор байна уу?

Хоёр. Гоё. Дэйнс дуу. Санал болговол хэр вэ?

 

 Сүүлийн үед David Guetta, Sia нарын "Titanium", The Wanted-ийн "Chasing The Sun" хэмээх дуунууд миний сонирхолыг ихээр татаад байгаа.