"Humans of New York" буюу 'Нью-Йоркийн Хүмүүс'

Хааяа хааяа сонирхолтой зүйлүүдийг блогдоо бичилгүй өнгөрөөж болохгүй мэт санагдах юм. Хэдий Фэйсбүүк, Инстаграм гэх мэт сошиал медиа сайтуудад одоо үед хүмүүс их зав цагаа үрж байгаа ч гэсэн хүнд их хэрэгтэй, юм ойлгуулах, танин мэдүүлэх зорилготой хуудас бас байдаг нь сайшаалтай. Тэдний нэг нь бол "Humans of New York" буюу 'Нью-Йоркийн Хүмүүс' хуудас билээ.

Бараг жилийн өмнө (яг сайн санахгүй байна) би Твиттер дээр гайгүй уншчихаар, үзчихээр мэдээллийн чанартай юм байна уу гээд жиргэсэн чинь жиргээ/фб-ийн найз Мона энэхүү HONY (Humans of New York) хуудсийг анх надад санал болгосон юмаа. Түүнээс хойш энэ хуудсанд дурласан гэж хэлэхэд болно. Би HONY-г Facebook болон Instagram дээрээ дагадаг.

За тэгээд энэ яадаг хуудас вэ гэхээр Brandon Stanton гэдэг зурагчин, сэтгүүлч залуу Нью-Йорк Хотын гудамжаар явж 'Нью-Йоркийн Хүмүүс'-ийн зургийг тэдний хэлсэн сонирхолтой түүх юм уу ишлэлтэй нь хамтад нь нийтлэж гаргадаг юм. Магадгүй энэ санаа нь их энгийн сонсогдож болох ч миний бодлоор хамгийн сонирхолтой, хүний бодож байгаагүй, нэгийг бодож хоёрыг тунгаахаар, заримдаа инээд хүргэмээр тийм фото сурвалжлага юм.

Жишээ нь гэхэд өчигдөр тавигдсан зургийг харуулая л даа. Энэ зургийн танилцуулга дээр нь ийнхүү бичжээ:

"Надад зөндөө олон өө сэв бий. Надтай амьдрах нь амархан биш гэдэгт би эргэлздэггүй. Би хамгийн сайн харилцан яригч хүн ч биш. Мөн нөхрөө зочид буудлын өрөөний шалан дээр мөлхөж явахыг харах нь түүнд таатай биш байдаг гэдэгт би эргэлзэхгүй байдаг. Гэхдээ тэр намайг хайрладаг."

Бас л юм бодогдуулж байгаа биз? Заримдаа их гүнзгий утгатай юм бичнэ. Заримдаа их инээдтэй зураг оруулна. New York хотын томыг ч хэлэх үү, энэ хуудсаар дамжуулан сүүлийн нэг жилд их л юм үзэж харж бас тунгааж сууна даа.

HONY зөвхөн ФБ Хуудсаар хязгаарлагдахгүй бөгөөд өөрийн гэсэн веб сайт болох humansofnewyork.com-тай. Мөн бараг бүх сошиал медиа-д 'Нью-Йоркийн Хүмүүс' байдаг гээд хэлчихэд алзахгүй байх. Саяхан буюу 2013 оны 10-р сард Humans Of New York ном гарсан нь The New York Times-ийн 11 сарын 3-ны долоо хоногын Бест Селлэр ном болон шалгарсан билээ.

За тэгээд 'Нью-Йоркийн Хүмүүс'-ийн амьдрал төдийгүй хүмүүсийн тухай сонирхолтой, соргог, авхууштай, юм бодогдуулсан фото сурвалжлага үзхийг хүсвэл HONY-ийн ФБ хуудас юмуу өөрийн хэрэглэдэг сошиал медиа хэрэгсэл дээрээс сонирхон үзнэ үү.

Жазз хөгжмийн урсгал руу орохуй болон Louis Armstong

Нөгөө Хип-хоп сонссдог байсан Булгаа чинь сүүлийн хэдэн жил ихэвчлэн Поп болон Дэйнс дуу сонсдог болсон гэдгийг та нар анзаарсан байж магадгүй ээ.
Харин саяхан нэг мэдсэн чинь өнөөх Булгаа чинь Жазз хөгжимд дуртай болсон гэнэ.

Цаг хугацаа гэж...
Саяхан л Классик хөгжимд дургүй гээд Рап, Поп, R&B, Dance сонссоод яваад байсан одоо Жазз хөгжим сонссоод сайхан уярах шиг болон кайф авдаг болжиж.
Надтай адилхан Классик хөгжим руу орж байгаа хүн байна уу?
Байгаа бол ямар урсгалын болон ямар дуунууд сонсож байгаагаа коммэнтэн дээр хуваалцаарай.

За Жазз хөгжим руу ороход их нөлөөлсөн хүн бол Louis Armstrong (Lүүи Аармстронг).
Энэ хүн Жазз хөгжмийг нэрд гаргахад их нөлөөлсөн бүрээч болон дуучин хүн юм. Жазз урсгалынхаа ганцаарчилсан (солоист) төрлөөр тоглохоос гадна их сайхан хоолойтой.











За бараг хүн болгон Лүүи Аармстронгийн "What A Wonderful World" дууг мэдэх байх. Би өмнө нь өчнөөн олон удаа сонсчоод хэн гэдгийг нь мэддэггүй байж.

  Харин миний анх сонсчоод дурласан дуу бол түүний "La Vie En Rose" буюу "Ла Вий Ан Роуз" дуу юм. Дууны нэрийг орчуулах юм бол "Амьдралыг ягаан өнгийн шилээр харахуй" гэсэн утгатай. Уг нь энэ дуу нь Франц дуучин Édith Piaf-ийг бөгөөд надад Louis Armstrong-ийн дуулсан нь ихэд таалагддаг.
За тэгээд "Амьдралийг ягаан өнгийн шилээр харахуй"




Louis Armstrong-ийн тухай дэлгэрэнгүй видео үзэхийг хүсвэл энд дарна уу.

La La La - Naughty Boy ft. Sam Smith

Нээх гоё клиптэй гоё дуу байнаа байна. Үзээгүй бол үзээрэй хө!

Macklemore & Ryan Lewis - Wing$

Пүүзний талаар бичлэгийг Macklemore & Ryan Lewis нарын Wing$ дуутай хамт оруулъя гэж бодлоо. Энэ сэдэв надад их хамаатай болохоор яг юунаас нь эхэлж бичихээ мэдэхгүй байдаг.
За байз, Пүүз / Sneakers гэхээр бид бараг амиа өгчих нь холгүй байдаг. Тэд нарын нэг нь би байсан.
Эхлээд өөрийнхөө пүүзний хоббины талаар жоохон түүх ярьж өгье л дөө.

Яагаад ч юм багаасаа авхуулаад бид нарын дунд пүүзээрээ уралдах тийм зүйл байдаг байсан мэдээж одоо ч байгаа.
Би ч гэсэн яаж дутахав гээд амьхандаа ориг пүүзтэй болох гэж их оролддог байлаа. Ээж аавыгаа ч их шаналгасан даа. Бүүр надад бараг 2, 3 размер том пүүз авч өмсөж байлаа. Яахав жижигхэн хөлтэй хүүхдэд яаж тэр үеийн ориг пүүз олдохов. Тэгээд нэг Converse-ийн савхин пүүз авхуулж өмссөн. Аав тэр үед миний тэнэгийг бусдад хэлж байхав дээ. Ориг пүүзтэй би гэдэг нөхөр тоохгүй пүүзээ чяхруулаад явж л байлаа. Өө тийм тэр үед чяхардаг пүүзийг ориг гэж үздэг байлаа. хэ хэ.
Одоо бодоход их л инээдтэй байгаа биз?

Миний хэлэх гээд байгаа зүйл бол бид нар / би тийм брэнд нэрээр өөрийгөө илэрхийлэх гэж оролддог гэсэн юм уу даа. Одоо жишээлбэл хэрэв би ориг пүүз өмсвөл би аймар лаг болно гэх мэт үзэд бодол. Мэдээж иймэрхүү маркетинг үйл ажиллагаа тухайн компанидаа их ашигтай болохоор манай энэ пүүзийг өмсвөл чи аймаг гоё харагдана мөн өндөр үсрэнэ гэх мэт.

Би Америкт ирээд өөрийнхөө хөдөлмөрөөр гоё пүүзнүүд авч өмсөөд бүүр өөрийнхөө мөрөөдөл болсон Жордан пүүзээ авч байсан. Бас тэрүүхэн дээ өөрөөрөө бахархаж байв.
Тэгээд нэг мэдсэн чинь пүүз цуглуулдаг Sneaker Head болох шахсан.
Бас хөөрхөн хэдэн пүүз авч орхисон байлаа.
Пүүз цуглуулна гэдэг чинь их үнэтэй хобби шүү дээ. Муу оюутан над шиг хүнд тохирохгүй хобби болохоор би пүүзнүүдээ эргүүлээд зарсан.

За харин миний энэ танилцуулах гэж байгаа дуу яг миний ярьж байгаа зүйлийг хэлж байгаа юм.
Мacklemore ч гэсэн бид нарын адилаар багаасаа ориг пүүз мөрөөдөж өссөн. Тэгээд анхныгаа пүүзийг авснийхаа дараа бусдын адилаар пүүзээ өмсөхгүйгээр шинээр нь хайрцаганд нь хадгалах хэрэгтэй гэдэг зөвлөгөөг дагасан.Тэгээд дуун дээр нэг найз нь пүүзнээсээ болоод амиа алдсан гэсэн байдаг. Macklemore бодсон байх л даа. Эцсийн эцэст пүүз бол зүгээр пүүз. Бид нарын хэрэглэдэг энгийн хэрэгсэл.
Миний хэлэх гэж байгаа агуулгийг тунгааж бодно уу?

[New Hit] Aloe Blacc - The Man

Hey, y'all! Энэ өдрийн мэндийг хүргэе! Сайн сууж байсан л биз дээ?
Блог дээр суусан тоосоо Aloe Blacc-ийн The Man дуугаар арчиж байна аа.



Avicii-ийн Wake Me Up-ийг дуулдаг энэ залуугийн The Man дуу Beats by Dr. Dre-ийн чихэвчний сурталчилгаанд ашиглагдсанаас хойш багагүй их хүмүүсийн сэтгэлийг татаж байгаа билээ.

'Hey Ya!' ба Хит дуу болсон түүх

Үүнийг уншиж байгаа бараг хүн болгон OutKast хамтлагийн Hey Ya! дууг сонссон байх.
Сонссоогүй нэгэн нь миний өгүүлэх гэж байгаа түүхийг уншаад дууг сонсохыг уриалж байна.
Анх энэ дууны хит болсон түүхийг "The Power of Habit: Why We Do What We Do in Life and Business" гэдэг номон дээрээс уншиж байсан нь надад их сонирхолтой санагдсан болохоор эрхэм блог уншигч та бүхэнтэй хуваалцахаар шийдлээ.

Дуу нь 2009 оны 9 сарын 9-нд гарсан бөгөөд фм, радиогоор цацагдаж эхлэжээ.
ФМ, Радионууд дууг хэр их тоглуулах, хит болох эсэхийг нь "хит дууг урьдчилан таамаглагч" програм ашиглаж OutKast-ын Hey Ya! дуу их өндөр оноо авсан байсан тул гарцаагүй хит дуу болно гэж таамаглаж байжээ.
Гэвч энэхүү дууг фм-ээр тоглуулах болгонд сонирхолтой зүйл тохиолдоод байсан юм.
Тэр нь юу вэ гэхээр энэ дууг фм-ээр гарах болгонд сонсогчид шууд сувгаа сольж байсан явдал юм.
ФМ, Радионуудын хөтлөгчид болон энэ дууны маркетинг хариуцсан хүмүүс учрыг нь ердөө ойлгохгүй байсан юм.
Сүүлд тэд нар нэг зүйлийг ухаарсан нь юу вэ гэвэл өмнө хит болж байсан бүх дуунууд сонсогчидод дотно санагддаг тийм эффект агуулдаг байжээ.
Hey Ya! дууны хувьд энэ найрлага дуунд байдаг боловч тэр нь арай өөр байсан хэрэг юм.

Үүнийг ухаарсан маркетинг менежер, хөтлөгчид дууг сэндвичлэх арга буюу Hey Ya!-г хоёр хит дууны дотор хавьчуулан дундуур нь тоглуулах арга санаачилсан юм.
Ингэснээр фм-ээр дууг тоглуулахын өмнө болон хойно нь байнга хит дуу тоглуулсан нь сонсогчид фм-ээ солихгүй  байх байдалд хүргэсэн юм.
Удалгүй энэ арга амжилттай хэрэгжиж дууг хүмүүст сэндвичлэж тоглуулах шаардлагагүй болсон төдийгүй хүмүүс фм, радио-руу залгаж энэ дууг тоглуулахыг хүсэмжилдэг болжээ.

Hey Ya! сүүлд Биллбоорд-ын Хот 100 дуу жагсаалтыг 9-н долоо хоног тэргүүлсэн нь гарцаагүй хит дуу мөн гэдгийг дахин баталсан хэрэг юм.
Мөн OutKast-ыэ энэ хит дуу The Rolling Stones сэтгүүлийн "Бүх цаг үеийн шилдэг 500 дуу" жагсаалтын 182-т орсон юм.

Клип нь мөн дуутайгаа адил их гоё болж чадсан байгаа.
2004 оны MTV Video Music Awards-ийн Шилдэг Найруулга төрөлд нэр дэвшсэн хэдий ч шагналыг Jay-Z-ын 99 Problems дууны клип авсан юм.
Дашрамд дурьдахад клип нь 1964 онд The Beatles хамтлагын The Ed Sullivan Show-д орсон бичлэгнээс санаа авч хийсэн гэдэг.

Warm Bodies [Киноны тухай]

"Дулаахан биенүүд" (Аймар гоё орчуулсан байгаа биз?) киноны талаар бичихээсээ өмнө нэг асуулт асууя.

Хамгийн сүүлд та хэзээ өөрт тань их дулаахан сэтгэгдэл төрүүлсэн кино үзсэн бэ?

Дулаахан сэтгэгдэл төрүүлсэн кино гэхээр үзэхээр нээх гоё сэтгэгдэл төрүүлсэн, муу нь ихэдсэн газар ч сайн сайхан зүйл байдаг юм шүү гэдгийг мэдрүүлсэн тийм киног хэлдэг байхаа гэж би боддог юм.
Мөн тийм кинонууд өөрийг чинь үе үе инээмсэглүүлээд авдаг увьдастай.

За тэгээд хэзээ хамгийн сүүлд ийм кино үзэв дээ?
Бодож олсон уу?
Олсон бол киноныхоо нэрийг надтай сэтгэгдэл хэсэг дээр бичиж хуваалцана уу?
Би кинонд аймар их дуртай болохоор таньд таалагдсан киног ч гэсэн үзэхийг хүсэж байна!

За миний хувьд тийм төрлийн кино бол саяхан үзсэн Warm Bodies гэдэг кино билээ.
Энэ жилийн 2-р сарын 1-нд гарсан кино нь IMDB дээрээс 7-н од авсан байна.

Кино нь нэг Зомби нэгэн бүсгүйг зомби нарын дайралтаас аварсанаар тэр хоёрын хоорондох харилцаа эхэлдэг. Үүнээс улбаалаад тэд дэлхийг аврах ч боломж гарч ирдэг.

Хэрэв та энэ киног үзэхээр шийдсэн бол энд дарж үзнэ үү.
Мөн санал, сэтгэгдэлээ хуваалцахаа мартваа!

#ШинэГоёДуу L.A. Story

Ойрд Шинэ Гоё дуу сонсоогүй л байгаа биз дээ?

За надад тэгвэл санал болгох нэг гоё дуу байна.

Дууны нэр бол L.A. Story
Дууг дуулсан Sammy Adams болон Mike Posner

Энэхүү гоё аялгуутай R&B, Hip Hop дууны дахилтыг Mike Posner (Дуртай дуучин хэсэгтээ блог дээрээ бичсэн байгаа тул энд дарж дэлгэрэнгүй уншина уу?) дуулахаас гадна нэг мөрийг үглэжээ. Үлдсэн хэсгийг Sammy Adams их чадварлагаар үглэж дууг их гоё болгосон байна.

За надад их таалагдаад байгаа юм.
Таньд таалагдах эсэхээ сонсоод үз дээ.



Жич: Дууны клип нь нээх тийм гоё болоогүй байна лээ.

The Mongolian Live Sessions: Сарантуяа - Учралын Блюз

За амархан сайн сууж байна уу, блог уншигч танаа?
Энэ удаа The Mongolian Live Sessions цуврал дээр тавигдсан дуучин Сараагийн "Учралын Блюз" дууны талаар бичихээр шийдлээ.

Би нээх Монгол дуу сонсдоггүй гээд хэлчихвэл зөндөө хүмүүсээр зэмлүүлэх болов уу?
Магадгүй би хит болон шинэ дуунуудыг сонсох боломжгүй байдаг байснаасаа болоод бүүр төсөөрсөн ч байж болох юм.



За тэр ч яахав. Нэг өдөр би ФБ хэсч яваад хэн нэгэн The Mongolian Live Sessions цувралын Rokit Bay ft DJ Zaya-ийн бичлэгийг хараад сонирхолдоо автаад Youtube дэх хуудас руу орж эхнээс нь авхуулаад бүгдийг нь сонссон юм.

Тэгээд бараг хоёр долоо хоногын дараа өөр хэн нэгэн дуучин Сараагийн энэ нэвтрүүлэгт орсон байсан бичлэгийг share хийсэн байсныг дахиж сонссон чинь нэг зүйл мэдэрлээ.
Тэр нь юу гэхээр заримдаа чи нэг дуу сонссоод сайхан дуу сонссон мэдрэмж байдаг даа? Түүнийг мэдэрсэн юм.
Тэгээд өөрийнхөө бодсоныг ФБ дээрээ бичсэн ээ та нарт хуваалцъя!

Үүн дээр нэмж хэлэхэд энэ дуу дуучин Сарааг хэр чадвартайг нь харуулсан болов уу гэж бодлоо. Мөн их сэтгэлийн утас хөндсөн алтан дуу байлаа.

Та нар энэ дууг сонсож амжаагүй бол доорхи бичлэгийг үзэж санал сэтгэгдлээ хуваалцана уу?

"Урмын Аян"-ы тухай

Анх 2011 оны 11-р сарын 11-нд Монгол Залуусын Клуб-ээс санаачлан Урмын Аян гэх сайн үйлсийн аянг Монгол хүмүүсдээ урам өгөх зорилгоор явуулсан билээ.

Энэхүү үйл ажиллагаа нь "....Урмыг өдөр бүр Монгол хүндээ харамгүй хэлж байхыг уриалж байна." гэж анх Social Media болон улс орон даяар нэг сарын дотор үргэлж өндөрлөсөн бол саяхнаас эхэлж миний бие #УрмынАянг үргэлжлүүлэхээр @УрмынАян Твиттер хаягыг ажиллуулж байгаа гэдгийг хэлэхэд таатай байна.

Одоогоор энэхүү хаягийг Frank Moon-тэй хамтарч ажиллуулж байгаа бөгөөд хүмүүст урам өгөх сонирхолтой, сэтгэл сайтай залуучуудтай хамтрахад үргэлж бэлэн гэдгийг хэлэхдээ мөн таатай байна.

Тиймээс та бүхэн Твиттер хаягтай бол бидний @УрмынАян хаягыг дагаж хүнд урам өгсөн, сэтгэлийн дэмжлэг өгсөн, инээмсэглэл бэлэглэсэн үгсийг хүлээн авна уу.
Мөн үргэлж ойр дотны болон тааралдсан хүнд урмын үг харамгүй өгч байхаа мартуузай.