Өнөөдөр 6-н сарын 2 (2009) (Дүгнэлт)

Өнөөдөр 2009 оны 6-р сарын 2-н буюу Мягмар гараг.
Нөгөө талаар миний амралтын өдөр.

Өчигдөр нэг хэдэн юм төлөвлөсөн байлаа.
Эдгээрээс дурдвал.

1. Ханатлаа унтаж өөрийгөө цэнэглэх
2. Өнөөдрийнхөө төлөвлөгөө төлөвлөж тэмдэглэж авах
3. Гарахад бэлэн болох. Жишээлбэл: Усанд орох, нүүр гараа угаах, хувцаслах, авч явах юмаа бэлдэх г.м.
4. Хүн рүү чек бичиж дугтуйнд хийж захиагаар явуулахад бэлдэх
   
5. Банк руу орж дансандаа мөнгө хийх.
6. Нэг кредит картаа цуцлуулах.
7. Нөгөө чекээ шуудангийн хайрцаганд хийх
8. Номын сан орж захиалсан номоо авах
9. Номын санд авсан номнуудаа буцааж өгөх
   
10. Гар утсаа солих
11. Эгчийнхээ хүүд бэлэг авах
12. Өөрийнхөө дүүд бэлэг авах
    
13. Кино үзэх
14. Гэртээ очиж хувцасаа угаах
15. Өнөөдрийг өндөрлөх гэсэн ийм олон төлөвлөгөөтэй байлаа.

Би ер нь юмыг нэг их төлөвлөдөггүй хайнга гар л даа.
Гэхдээ өнөөдөр амарч байгаа болохоороо хийх ёстой юмнуудаа зайлшгүй хийх шаардлагатай байв.
Тэгээд нэг аймар хүн болох гээд юмнуудаа цаасны тасархай дээр бичиж аваад гарлаа.
За ингээд миний нэг өдрийг төлөвлөгөөний дагуу дүгнэе!

Төлөвлөгөө №1: Ханатлаа унтах
Өчигдөр шөнө үхтлээ нэт хэсээд кино үзэж байгаад 2 гэж унтав.
Тэгээд өглөө 9.50 гээд сэрчихдэг юм даа. Ингэхлээр 7-н цаг 50 минут унтсан гэсэн үг нэг үгээр төлөвлөгөө биелүүлж чадахгүй гэсэн үг.
Нойр хүрэхгүй болохоороо нөүтбүүкээ асаагаад Pirates of the Caribbean: At World's End ийг үзлээ. Талд нь орж байсан чинь миний нөүтбүүкний батерей дуусаад унтарчихлаа.
Дахиж асаахаас залхуураад даарч байсан хоёр хөлөндөө оймсоо углаад 12 оос 2 хүртэл унтлаа. 2 гэж босч 1-р даалгавраа арай хийж дуусгав.
Төлөвлөгөө №2: Ядах юмгүй бүх жагсаалтнуудыг цаасан дээр бичээд өмдний арын халаасанд хийв.
Төлөвлөгөө №3: Өөрийгөө усанд орж нүүр гар шүдээ угааж сэргээлээ
Тэгээд гарахад бэлдэж цүнхэндээ мөнгө, түлхүүр, зоонтог(өнөөдөр жоохон бүрхэг байсан), чек, цамц, ном, нэг ундаа хийлээ. Бараг гэрээ нүүлгэх шахав.
Төлөвлөгөө №4: Хүнд мөнгө өгөх ёстой. Тэрнийхээ дагуу чек бичиж дугтуйлав.
Төлөвлөгөө №5: За тэгээд бүх юм нь бэлдсэн болохоор автобусны буудал руу гарах ёстой цагандаа гараад автобусанд суугаад банкинд ядах юмгүй мөнгөө хийлээ.
Төлөвлөгөө №6: Тэгээд кредит картаа цуцлуулах гээд асуутал картны ар талд нь байгаа утас руу нь залгаж хүчингүй болгодог гэнээ. Тэрийг нь мэдсэнгүй гэнэдлээ.
Төлөвлөгөө №7, 8, 9 : Эхлээд номын сан руу үнэгүй автобусанд суугаад тэнд очоод чекээ шуудангий хайрцаганд хийгээд, номоо буцааж өгөөд, захиалсан номоо авлаа.
Миний энэ уншиж байгаа ном бол үнэн тасархай ном байгаа.
Дараа нь блогтоо бичнээ.
Нэр нь The Twilight Saga: Breaking Dawn
Төлөвлөгөө №10: За буцах автобусандаа суугаад Sprint хэмээх өөрийнхөө утасны компаний салбар дээр очиж шинэ утас авлаа.
Миний хуучин утасны 2 жилийн гэрээ нь 6н сарын 4нд дуусч байгаа юм.
Тэгээд нэг гайгүй утас санаатай очоод LG Rumor гэж утас авлаа.
Ямарч байсан гайгүй л утас байна.
Төлөвлөгөө №11: За тэгээд эндхийн хамгийн том электрон барааны дэлгүүр болох Best Buy руу орж 4GB ийн Sony Walkman mp3 player aвч өглөө.
Манай энэ эгч энд намайг ирснээс хойш надад зөндөө их тусалж байгаа болохоор хүүд нь нэг ийм юм авч өгөх нь бараг юу ч биш л дээ. Зөндөө их тусалж байгаа.
Төлөвлөгөө №12: Манай дүү саяхан Монгол Туркийн хамтарсан сургуулийн элсэлтийн шалгалтанд тэнцсэн гэдгийг нь ээжтэй уцсаар ярьж сонсов.
Тэгээд дүүдээ нэг бэлэг авч өгнө гээд амласан байгаа.
Харин дүүдээ яг юу авч өгөхөө мэдэхгүй энэ төлөвлөгөөг өнөөдөртөө биелүүлж чадсангүй ээ.
Sorry, bro.
Төлөвлөгөө №13: Харин кино кино-театрд үзнэ гэдэг бол миний амралтын өдрийн нэг чухал хэсэг юм л даа.
Өнгөрсөн долоо хоногт кино үзэж чадаагүй.
Тэгээд өнөөдөр заавал үзнэ гэсээр байгаад Terminator Salvation-г үзлээ. Үнэн тасарсан кино болжээ. 4-н эрхий хуруу гозойлгомоор гоё болсон байна лээ.
Төлөвлөгөө №14: Өнөөдөр автобусны ирэх цаг нь болоогүй байсан болохоор алхахаас аргагүй байсан л даа. Гэртээ арай чүү гэж алхаж очлоо.
Одоо тэгээд блогоо бичээд 14-р даалгавар буюу угаалгаа хийгээд байж байна
Төлөвлөгөө №15: Нэт жоохон хэсэж байгаад 17 again гэж кино татсан байгаа тэрийгээ үзчээд өнөөдрийг өндөрлүүлнэ л дээ.

Хэрэв олон таван юм нуршаад дургүйг чинь хүргэсэн байвал Jason Mraz ийн We Sing. We Dance. We Steal Things гэсэн цомгийг татаж авч тайтгараарай.
Энэний талаар энд бичсэн байгаа.
Уурласан бухимдсан үед таныг иймэрхүү дуунууд тайтгаруулна гэдгийг зөвлөчихье!