Айдас

АЙДАС.
Энэ үгийг эхэлж уншихад өөрийн тань айдаг зүйлсүүд бодогдож байгаа биз?
Хүн болгонд л айдаг зүйл байдаг. Үүнийг үгүйсгэхгүй.
Харин айдастай хэрхэн тэмцэх нь их чухал.

Өнөөдөр өөрийн дуртай ТВ сериэс болох Лостоо үзэж байгаад Jack-ын "айдас"-ын талаархи түүх их таалагдсан тул та бүхэнтэй хуваалцая гэж бодлоо.

Айдас гэдэг чинь их сонин зүйл. Миний анхны бие даасан ажиллагаа арванзургаан настай охинд хийсэн нуруу нугасны мэс засал байсан юм. Дуусах төгсөж байхад, бараг 13н цагын дараа, би түүнийг оёж байхдаа би санамсаргүйгээр түүний тархины бүрхүүлний уутанцарыг (dural sac) хагалаад, сээр нурууны суурь хэсгийг нь огтлоод хаячихсан, тэр нь бүх нерви цуглардаг газар байсан юм. Тэгсэн чинь нерви, нурууны шингэн тэр охиноос урсан гарж байв. Тэгээд... тэгээд айдас үнэхээр галзуурмаар байв. Үнэхээр бодит. Гэхдээ би үүний учрыг олох ёстой гэдгээ мэдэж байв. Тэгэээд би сонголтоо хийсэн. Би тэр айдсийг өөр лүүгээ автуулаад, хийх ёстой зүйлийг нь хийлгүүлнэ. Гэхдээ зөвхөн 5н секундэд. Миний өгч байгаа бүх л хугацаа бол тэр.
Тэгээд би тоолж эхэлсэн: нэг, хоёр, гурав, дөрөв, тав. Ингэхэд айдас алга болчихсон байсан.  Тэгээд би буцаад ажилдаа ороод, түүнийг оёход тэр охин зүгээр байсан.

 Их сонирхолтой түүх байгаа биз?
Дараа хэзээ нэгэн цагт өөрт таньд ямар нэгэн айдас хүргэм юм тохиолдох юм бол энэ түүхийг санаарай. Айдаст зөвхөн тавхан секундыг олго. Тэгээд тоож эхэл. Нэг. Хоёр. Гурав. Дөрөв. Тав.

Кофены тухай сонирхолтой баримтууд [Зурагт Мэдээлэл]

Кофенд дуртай болохоор ч тэр үү ер нь кофены тухай зурагт мэдээл хуваалцах санаатай үүнийг тавьж байгаа юмаа.
Hamilton Beach-ийн гаргасан энэхүү зурагт мэдээлэл нь кофены тухай хэд хэдэн сонирхолтой баримтуудыг дэлгэж тавьсан байна.
Хамгийн сонирхолтой нь нэг хүнд ноогдох кофены хэмжээгээр эхнийт зургаад Европын орнууд орсон бол Бразил, АНУ нар 7, 8т орсон байна.

 

Харин удаах зурагт мэдээлэл кофены тухай өөр хэдэн сонирхолтой мэдээллийг харуулжээ.

"We Bought A Zoo" киног танилцуулахуй

Нээх инээдэмтэй биш ч нээх тийм хүнд баяр баясал, инээмсэглэл төрүүлсэн кино байдаг даа?
За тэгвэл миний сая үзсэн "We Bought A Zoo" кино бол тэдгээр кинонуудын нэг.

Гол дүрд Matt Damon тоглосон энэхүү кино нь Benjamin Mee хэмээх адал явдалт дуртай сэтгүүлчийн амьдралыг өгүүлдэг юм.
Эхнэрээ алдаад удаагүй тэрээр хоёр хүүхэд болон өөрийнхөө амьдралыг сайжруулахад шинэ эхлэл хэрэгтэй болдогийг ухаардаг.
Түүний хайж буй шинэ эхлэл нь дампуурлын ирмэг дээрээ байгаа зоо парк байж магадгүй хэмээн тухайн зоо паркыг худалдан авдаг.
Ингэсэн хэрэг нь түүний хамгийн том тэвчээр шалгасан туршлага төдийгүй хамгийн том адал явдал болон хувирдаг.
Дашрамд дурьдахад энэхүү кино нь бодит амьдрал дээр үндэслэгдсэн бөгөөд кинон дээр гардаг зоо парк нь Английн Девонд байрлах Dartmoor Zoological Park юм.

Scarlett Johansson энэхүү 2011 онд гарсан кинонд тоглодог бөгөөд Benjamin Mee-ийн өхөөрдөм охины дүрийг Maggie Elizabeth Jones тун чадварлаг гаргасан төдийгүй хүүгийнх нь дүрд Colin Ford тоглодог ба Dakota Fanning-ийн дүү Elle Fanning энэхүү кинонд тоглосон ажээ.

Мөн энэ киноноос өөрт таалагдсан хамгийн гоё ишлэлээ хуваалцах нь зүйтэй болов уу гэж бодлоо:

You know, sometimes all you need is twenty seconds of insane courage. Just literally twenty seconds of just embarrassing bravery. And I promise you, something great will come of it.

Үргэлж инээмсэглэл төрүүлсэн, аз жаргал бэлэглэсэн энэхүү киног үзэхэд маш таатай байсан тул та бүхэн ч гэсэн үзээрэй гэж зөвлөж байна!
Хэрвээ та үзэхээр шийдсэн бол энэ холбоос дээр дарж үзнэ үү!

Хамгийн Романтик Кино

Энийг уншихаасаа өмнө өөрийн үзэж байсан хамгийн романтик киноны талаар боддоо?
Бодсон уу? За тэгвэл би өөрийнхөө хамгийн гоё болсон романтик киноны тухай жоохон саналаа хуваалцъя гэж бодлоо. Би лав энэ киног Love Actually, (500) Days of Summer кинонуудын дээд байрлуулах болов уу.

Юуны түрүүнд гэж хэлэхэд би иймэрхүү төрлийн кинонд нээх дурлаад байдаггүй ч саяхан уйдаад байсан болохоор хүний санал болгосоноор энэхүү киног үзээд бүүр биширсэн. Тэгээд блог дээрээ бичиж хуваалцмаар санагдлаа.

Киноны нэр: Wicker Park

Романтик кино гэхээр ихэвчлэн нэг хэвэнд баригдсан кино байдаг шүү дээ.
Анх би ч гэсэн энэ киноны эхлэлийг үзэж байхад иймэрхүү хэв төрлийн байх болов уу гэж таамагласан чинь  ташаарсан байна лээ.

Олон юм нуршаад байлгүй нөгөө киногоо энгийнээр тайлбарлах гэж оролдъё гэвэл:

Бараг гэрлэх гэж буй залуу (Josh Hartnett) өөрийг сэтгэл зүрхийг нь булаагаад гэнэт алга болсон бүсгүйгээ (Diane Kruger) үдийн хоолоо идэж байгаад харсан мэт сэтгэгдэл төрдөг. Үүнээс үүдээд кино эхлэх бөгөөд түүнтэй танилцсан түүх, түүний тухай бүх дурсамж, өдийг болтол учрыг нь олохгүй байсан асуултууд түүнийг хайж байх туршид нэг нэгээр маш уран аргаар тайлагддаг нь кинон дундах он цагын харьцуулалт болон зангилаануудын хамтаар улам сонирхолтой болдог.

Эцсийн эцэст кино нь хүн хайр дурлалынхаа төлөө юу хийхээс ч буцахгүй гэдгийг харуулахыг зорьсон болов уу гэж бодсон юм.

Хэрэв та энэ киног үзэхээр шийдсэн бол энэ холбоос дээр дарж үзээрэй.
Тэгээд таны хамгийн романтик кино болсон эсэх талаар санал сэтгэгдэлээ хуваалцаарай!

Sia, David Guetta,The Wanted нарын шинэ дуунууд

Гоё дуу сонсмоор байна уу?

Хоёр. Гоё. Дэйнс дуу. Санал болговол хэр вэ?

 Сүүлийн үед David Guetta, Sia нарын "Titanium", The Wanted-ийн "Chasing The Sun" хэмээх дуунууд миний сонирхолыг ихээр татаад байгаа.
Titanium нь David Guetta-гийн 11 онд гаргасан Nothing but the Beat цомогт орсон хэдий ч одооноос л эхэлж сонсогчиддийн чихэнд хүрж байгаа юм. Харин энэхүү дууны гол хоолойг Австралийн дуучин Sia дуулсан юм.



The Wanted-ийн хувьд тэд саяхныг болтол "Glad you came" хит дуугаараа өөрсдийгөө бусдад танилцуулдаг байсан бол тэд нарын шинэ дуу "Chasing the Sun" удахгүй тэдний төлөөлөх өөр нэгэн дуу болох болов уу гэж таамаглаж байгаа. Харин энэ дуу нь тэдний өөрсдийнхөө хамтлагын нэрээр гаргасан "The Wanted" цомогт багтсан юм байна.



Энэ долоо хоногын байдлаар Titanium нь "Billboard Hot 100" жагсаалтны 30д орсон бол Chasing the Sun энэхүү жагсаалтанд хараахон орж амжаагүй байна.

Блогынхаа тухай бодсон бодролууд болон өөрчлөлтүүд

Миний блогыг уншдаг болон гүйлгэж уншдаг та бүхэнд өдрийн / оройн мэнд!

Би гэж хүн блог гэгч зүйлийг хөтлөөд бараг 4 жил болж байгааг өчигдөр блогынхоо талаар ярьж байгаад санав. Мөн надтай энэ цаг мөчийг өнгөрүүлсэнд та бүхэнд баярлалаа!

Энэ дөрвөн жилийн хугацаанд блогтоо ихэвчлэн Дуу хөгжим, Кино ертөнц, Технологи, Зурагт Мэдээлэл гэх сэдвээр нийтдээ 162 нийтлэл/бичлэг оруулсан байна.

Тэгээд энэ нийтлэлд жоохон блогтоо дүгнэлт хийн ирээдүйд яг ямар чиглэлээр бичих нь зүйтэй вэ талаар тайлагнаж бичиж, ярилцъя гэж бодлоо.

Дүгнэх үү? Дүгнэе!

Эхлээд The Bibby Times блог минь он цагын хугацаанд хэрхэн өөрчлөгдсөн талаар дурдъя.

Өчигдөр бичлэгүүдээ гүйлгэж уншихад хамгийн түрүүнд ажигласан зүйл минь юу вэ гэхээр би арай чөлөөтэй ч гэх юм уу өөрийнхөөрөө бичдэг байжээ. Одоогийнхтой харьцуулахад арай түүхий мөртлөө аймар сэтгэл шингэсэн бичлэгүүд орсон байжээ гэдэг нь илт харагдаж байсан шүү.

Одоо миний бичдэг стиль хэдий сайжарсан ч гэсэн жоохон нэг хэвэнд баригдаад ч байгаа юм шиг арай өөр юм шиг санагдаад байх боллоо.

Өөр нэг анзаарагдсан зүйл гэвэл би их уйгагүй, залхууралгүй бичдэг байжээ. Жишээ нь л гэхэд би 2011 онд 1 сараас 4 сарын хооронд 23 бичлэг оруулсан байхад энэ жил дөнгөж 8. Яахав үүнийг оруулвал 9 юм даа. Гэхдээ л харьцангуй бага байгаа биз?

Мөн би зөндөө Технологи, Киноны талаар мэдээ мэдээлэл бичдэг байснаа сүүлийн үед огт бичээгүй байгаагаа анзаарав.

Өнгөрсөн хугацаанд нэг иймэрхүү өөрчлөлтүүд блогт минь орсон байна.
Одоо харин ямар ямар өөрчлөлт оруулах талаар ярилцая!

The Bibby Times Сайжрах уу? Тэгэлгүй яахав

Хүн чинь ямарваа нэгэн юм болохгүй бол шинийг авахаасаа илүү засахыг боддог шүү дээ. (Гэхдээ баян л биш бол.)
Аа гэхдээ худалдаж авч болдоггүй зүйлс гэж бас байнаа.
Миний хувьд блог минь тэдгээр зүйлсүүдийн нэг.
Надад хоёр боломж байгаа: Нэг бол блогоо бичихээ больж хаях. Эсвэл Сайжруулах.
Мэдээж би өөрийн минь өдрийн тэмдэглэл, бодлын минь толь болсон үнэт зүйлээ хаяхгүй тул сайжруулахаар шийдлээ.

За тэгээд яаж сайжруулвал дээр вэ? (Энэ тал дээр санал сэтгэгдэлээ үлдээгээрэй)

Одооноос эхлээд би аль болох нэгэн хэвийн сэдэвт, горимт хавьчигдахгүйгээр өөрийн дурласан, таалагдсан юмныхаа талаар өөртөө бичиж байгаа юм шиг хэрнээ арай дэлгэрэнгүйгээр бичвэл дээр юм болов уу гэж шийдлээ.

Жишээ нь гэхэд би сүүлийн үед эерэг үзэл бодол (optimism) агуулсан зүйлд их татагдаад байгаа болохоор энэ талаар түлхүү бичвэл дээр гэж бодлоо.

Мөн өөрийн шинэ сонирхол, хоббинуудынхаа талаар сонирхолтой, содон зүйлс оруулна гэж төлөвлөө байгаа.
Түүнээс гадна өөрт таалагдсан дуу хөгжмийн талаар үргэлжлүүлэн бичих болноо.

Надтай хамт байсан та бүхэндээ баярлалаа.

Та өөрийн бодсон санал сэтгэгдэл, зөвлөгөөгөө надад харамгүйгээр өгөөрэй.

Баярлалаа,
Хүндэтгэсэн Булгантамир.

Posted via email from The Bibby Times

Амьдралд санаж явах 17 чухал зүйлс

Амьдралын тухай гоё ишлэл хайж яваад гоё зүйл олчих шиг боллоо тэгээд та бүхэндээ ч гэсэн хуваалцая гэж бодлоо.

Амьдралд санаж явах 17 чухал зүйлс

1. Хэнд ч хэзээ ч бүү горь тасар. Гайхамшиг өдөр болгон тохиолддог юм шүү.
2. Зоригтой биш байсан ч гэсэн зоригтой мэт дүр үзүүл. Хэн ч ялгааг нь хэлж чадахгүй.
3. Том бодож, жижиг зүйлсийг таашаа.
4. Хүнийг сонсож сур. Боломж заримдаа чимээгүйхэн ирдэг юм шүү.
5. Хэзээ ч хэн нэгний итгэл найдварыг нь бүү үгүй болго. Магадгүй энэ нь түүнд буй цорын ганц зүйл нь ч юм бил үү.
6. Төгс зүйлийн төлөө бус өндөр чанарын төлөө мэрий.
7. Өнгөрсөн алдаануудын хойноос харамсаж цагийг бүү гарзад. Тэдгээрээс суралцаад үргэлжлүүлээд яв.
8. Хэн нэгэн чамайг тэврэхэд түүнийг эхэлж тавьтал нь тэвэрдэг бай.
9. Тайлагдаж болох зүйлийг хэзээ ч бүү огтол.
10. Амьдралыг шударга шулуун байна гэж битгий найд.
11. Амжилт эхэлж хөдөлсөн хүнд ирдгийг сана.
12. Хэн нэгэнд хайртай гэж хэлэх боломжийг хэзээ ч бүү гарзад.
13. Хэн ч ганцаараа бүхнийг туулдаггүйг сана. Өөрт тусалсан хүмүүст баярлаж талархсанаа илэрхийлдэг зүрх сэтгэлтэй бай.
14. Сайн үг болон үйлийн хүчин чадлыг хэзээ ч битгий дутуу үнэл.
15. Их инээж бай. Алиа хошин зан амьдралд тохиолдох бараг бүх зовлонг эдгээж чадах увдистай
16. Одоо болж буй сайхан мөчийг ирэх гэж буй зүйлд санаа тавьж бүү алд.
17. Том асуудлуудыг сайн ажигла учир нь тэд том боломжуудыг агуулж байдаг юм.

Эх сурвалж: BoardsofWisdom.com(Batkesig-ийн туслалцайтаагаар жижиг засвар оруулав)

Maroon 5 хамтлагын шинэ дуу "Payphone"

Maroon 5 хамтлаг удахгүй гаргах дөрөвдөх цомог болох "Overexposed"-ийн дээжийг "Payphone" дуугаараа өргөж байна. Whiz Khalifa-тай хамтарсан энэхүү уран бүтээлээ Maroon 5, Adam Levine-ий шүүгч хийдэг "The Voice" телевизийн нэвтрүүлэг дээр 4-р сарын 16нд толилуулжээ.

01_Payphone_(feat._Wiz_Khalifa).mp3 Listen on Posterous

Posted via email from The Bibby Times

[Шинэ] Гоё дуунууд

Намайг блогоо шинэчлэх гэсээр байтал зөндөө олон, гоё дуунууд гараад ирчихсэн байна. Тэгээд өөрт таалагдсан хэдэн дуугаа та нарт санал болгох гэсэн юмаа. Ерөнхийдөө таалагдана гэж найдаад байгаа.

 

• [[posterous-content:pid___0]]Эхний дуу бол Их Британы "Нэгэн Зүг" хамтлаг буюу "One Direction"-ы "What Makes You Beautiful. Уг нь Их Британид өнгөрсөн жилд хит болж байсан хэдийд Америкад саяхнаас цацагдаж байгаа билээ.

 

• [[posterous-content:pid___1]]Удаах дуу бол "We The Kings" хамтлагын "Say You Like Me" дуу юм. Гараад удаж байгаа боловч саяхан ФМ-ээр сонссоод их таалагдсан юмаа.

 

• [[posterous-content:pid___2]]Гуравдахь дуу бол "Train"-ы "Drive By". Hey, Soul Sister дуу шигээ их уянгалаг бас өвөрмөц болсон энэхүү дуу удахгүй хит болох байх шүү!

Posted via email from The Bibby Times

Өмгөөлөгчийн үйлчлүүлэгчийнхээ нууцыг задруулахгүй байх үүрэг ба Гашуун Жишээ

Өнөөдөр "Бизнесийн Хууль Эрх Зүйн Орчин" хэмээх анги дээрээ өмгөөлөгчийн тухай үүргийг гашуун бодит жишээтэйгээр тайлбарлуулж ойлгож авав.

Энэ нь юу гэхлээр хууль ёс зүйн зөвлөгөө, тусламж авах гэж буй үйлчлүүлэгч нь өмгөөлөгчдөө өөрийнхөө тухай бодит үнэнийг ямар нэгэн айдасгүйгээр хэлж болно. Өөрөөр хэлбэл өмгөөлөгч нь үйлчлүүлэгчийн тухай бодит баримт, нууцыг хуулийн дагуу задруулахгүй байх үүрэгтэй юм байна.
Мэдээж зарим нэгэн онцгойлон хасах тохиолдол бий.

Үүнээс улбайлаад нэгэн жишээг багш маань тайлбарласан нь их шударга бус хэдий ч хууль ёсны дагуу байсан байдал нь сэтгэлд минь хоногшсон юм.

Энэхүү жишээг барагцаалаад хэлэхэд:

Айндреү Вилсон 1982 онд өөрийнхөө өмгөөлөгчид болох Дэйл Ковэнтри, Жэйми Канз нарт Чикаго хотын өмнөд дүүрэгт байрлах МакДоналдсийг дээрэмдээд, хамгаалтны ажилтан болох Лойд Ваяклайфыг шоотган буугаар алснаа хүлээн зөвшөөрчээ. Өмгөөлөгчийн үйлчлүүлэгчийнхээ нууцыг задруулахгүй байх эрх мэдлээс болоод түүний өмгөөлөгчид Вилсоны нүглээ наминчилсаныг өөр хэн нэгэнд хэлэх эрхгүй байв.

Тэд 54 настай Аалтон Лөүган-ийг тухайн хэрэгт холбогдон баривчлагдахад чимээгүй байсан. Тухайн хэргээс болоод гэм зэмгүй хүн насаараа хоригдсон юм.

Хэдийгээр тэд энэхүү давуу эрх-үүрэгнээс болоод гэм зэмгүй Аалтон Лөүган-ийг тухайн үед шоронгоос гаргаж чадахгүй байсан ч тэд Вилсоноос өөрийг нь нас барсаны дараа үнэнг илчлэх тухай зөвшөөрөл авч чадсан юм.

2008 онд Айндреү Вилсон нас барсан ба түүний өмгөөлөгчид нас барангуут нь түүний хийсэн хэргийг илчилж гэм зэмгүй Аалтон Лөүганийг 25 жилийн дараа шоронгоос гаргаж авчээ.

Юутай гашуун ... юутай харуусалтай вэ?

Та бүхэн бодож байж магадгүй?

Тэд өмгөөлөгчид яагаад өөрсдийнхөө үүрэгнээсээ түдгэлзээд Аалтон Лөүганыг шоронгоос эрт гаргаагүй юм болоо гэж.
Хэрэв тэд өмгөөлөгчийнхөө хамгийн чухал үүрэгнээс татгалзаад үнэнг дэлгэх юм бол үүнээс хойш хэн ч өмгөөлөгчидөд итгэхээ болино.
Тиймээс Аалтон Лөүган хууль ёс зүйн системийн эрх ашгийн төлөө өөрийн 25 жилийг зориулсан хэрэг ажээ.

Өмгөөлөгчийн үйлчлүүлэгчийн нууцыг задруулахгүй байх үүргийн тухай дэлгэрэнгүйг энд дарж уншина уу
Энэхүү бодит түүхийг дэлгэрэнгүйгээр уншихыг хүсвэл энд дарна уу

 

Posted via email from The Bibby Times